Фарғонада тўхтатилиб текширилган «Mercedes-Benz»дан 38 миллион сўмлик пиротехника воситалари топилди

Фарғонада вилоятида «Mercedes-Benz» автомобили тўхтатилиб текширилганида 38 миллион сўмлик пиротехника воситалари аниқланган. Бу ҳақда ИИВ ЙҲХББ ахборот хизмати хабар қилди.

Қайд этилишича, 1 ноябрь куни Олтиариқ тумани, Шарқ МФЙ ҳудудида хизмат олиб борган вилоят ИИБ ЙҲХБ ЙПХ ходимлари В.Мамажонов, О.Деҳқонов ва А.Тошхоновлар томонидан, ушбу кўчада ҳаракатланиб келган, Олтиариқ туманида яшовчи фуқаро А.Ғ. бошқарувидаги “Mercedes-Benz” русумли автомобиль тўхтатилиб текширилган.

Натижада автомобиль юкхонасида 19 та қутиларда жойлашган, жами 547 минг 200 дона “Британик” ва “Трения” номли, тахминий қиймати 38 миллион сўм миқдоридаги пиротехника воситалари олиб кетилаётганлиги аниқланган.

Ушбу пиротехника воситалари холислар иштирокида далилий ашё тариқасида олиниб, терговолди текширув ҳаракатларини ўтказиш учун Олтиариқ тумани ИИБга топширилган.