Санъатни тарк этган Жаҳонгир Отажонов Ўзбекистон президентлигига ўз номзодини қўймоқчи (+видео)

Ижтимоий тармоқларда яқинда санъатни бутунлай тарк этганини эълон қилган хонанда Жаҳонгир Отажоновнинг навбатдаги видеомурожати тарқалди. Унда Отажонов Ўзбекистонда бўлиб ўтадиган 2021 йилги президентлик сайловларида қатнашмоқчи эканини билдирган.

У бу нияти жиддий экани, сайловда қатнашиш учун нима керак бўлса, барчасини бажаришга тайёрлигини билдирган.

“Менинг ҳам Президент бўлиш ниятим бор ва албатта бўламан деб умид қиламан. Мабодо бу сафар бўлолмасам, кейинги сафар албатта бўламан”, деган Отажонов.

У президент бўлишдан мақсади Ўзбекистонни ривожлантириш эканини айтиб, бу билан ҳозирги давлат раҳбарларига ҳеч қандай эътироз билдирмаётганини айтиб ўтган.