Нурмат Отабеков ҳам коронавирусга чалинди

Ўзбекистон Республикаси Вазирлар Маҳкамаси ҳузуридаги Санитария-эпидемиологик назорати давлат инспекцияси бошлиғи Нурмат Отабековда коронавирус аниқланди. Буни унинг ўзи «Дарё» мухбирига берган интервьюсида тасдиқлаган.

Суҳбат чоғида у тест натижаларига кўра унда коронавирус борлиги тасдиқлангани ва айни пайтда даволанаётганини маълум қилган.

Эслатиб ўтамиз, Нурмат Отабеков бир ҳафта аввал, 23 июльда Президент фармонига кўра “Фидокорона хизматлари учун” ордени билан мукофотланганди.