«Сол судяни!». «Нефтчи» – «Турон» учрашувида ҳакамларни дўппослашди (18+ видео)

Бугун Про лигада мавсумнинг сўнгги ўйини бўлиб ўтди. Фарғонанинг «Нефтчи» клуби Суперлигага тўғридан-тўғри йўлланма берадиган учрашувда яйпанликларнинг «Турон»ига 0:1 ҳисобида мағлуб бўлди. Дастлаб меҳмонлар 16-дақиқада пеналтидан фойдалана олмаган бўлишса-да, 81-дақиқага келиб ғалаба тўпини киритишди.

Баҳс якунлангач муҳлислар билан тўлиб тошган «Истиқлол» стадионида ўйин натижасидан норози бўлган футбол ишқибозлари майдонга ёпирилиб, ҳакамларни дуппослашга тушиб кетишди. Ижтимоий тармоқларда тарқалган видеоларда томошабинлар ҳакамлардан норози бўлиб, уларга ташланишаётганини, ички ишлар ходимлари эса уларни ажратишга уринаётганини кўриш мумкин.