Qizil chaqiriq: Og‘izdan kelayotgan noxush hid xavfli kasalliklardan darak bo‘lishi mumkin

Olimlar og‘izdan keladigan yoqimsiz hid SELENBP1 genidagi mutatsiyaning belgisi bo‘lishi mumkinligini aniqladilar.

Buyuk Britaniya Milliy Sog‘liqni saqlash xizmati shifokorlari og‘izdan keladigan yoqimsiz hid SELENBP1 genidagi mutatsiyaning belgisi bo‘lishi mumkinligini aniqladilar, bu saraton xavfi ortishi bilan bog‘liq. Bu haqda Pronews.gr xabar bermoqda.

Saratonning ilk alomati

Ma’lum qilinishicha, muayyan kasalliklarning rivojlanishi bilan birga keladigan yomon hid galitoz deb ataladi. Bu og‘izda yoki butun tanada muammolarni ko‘rsatishi mumkin bo‘lgan alomatdir. Xususan, og‘izdan yoqimsiz hid halqum saratonning birinchi belgisi bo‘lishi mumkin.

Galitozdan tashqari esa, kasallikning ogohlantiruvchi belgilariga quyidagilar kiradi: tomoqdagi shish hissi, xirillash, tez-tez yo‘tal, nafas olish qiyinlishuvi, vazn yo‘qotish va surunkali charchoq.

Noxush hid tarkibida oltingugurt birikmalari bor

Shuningdek, tajriba davomida saratonning aniqroq belgisi aniqlandi. Olimlar galitoz bilan og‘rigan bemorlarda nafas chiqarilgan havoda metantiol va dimetil sulfid (og‘izdan yomon hid beruvchi oltingugurt birikmalari) miqdori ko‘payganligini aniqladilar.

Ushbu birikmalar oltingugurtning parchalanishi va o‘simta o‘sishini bostirish uchun mas’ul bo‘lgan SELENBP1 genidagi mutatsiya bilan bog‘liq. Ushbu genning ishlashidagi buzilishlar saraton rivojlanish xavfini oshirishi mumkin.