Тошкентда ноқонуний равишда 2 тонна спирт сотган шахслар қўлга олинди

Тошкент шаҳри Шайхонтоҳур туманида 2 тонна этил спиртининг муомалага киритилиши олди олинди, дея хабар бермоқда Бош прокуратура Матбуот хизмати.

Маълум қилинишича, Бош прокуратура ҳузуридаги Департаментнинг Шайхонтоҳур туман бўлими томонидан ДХХ ходимлари билан ҳамкорликда ўтказилган тезкор тадбирда, 2 нафар фуқаро 2 минг литр этил спиртининг ҳар бир литрини 22 500 сўмдан ҳисоблаб, бошқа бир фуқарога 45 млн. сўм эвазига сотган вақтида ашёвий далил билан қўлга тушишган.

Мазкур ҳолат юзасидан уларга нисбатан Жиноят кодексининг 1861-моддаси 2-қисми билан жиноят иши қўзғатилиб, тергов ҳаракатлари ўтказилмоқда.