«Навоий–Зарафшон» йўлида 11 та машина иштирокида ЙТҲ содир бўлди

"Навоий–Зарафшон" йўналишидаги йўлда кеча бир нечта автомобиллар иштирокида йўл транспорт ҳодисаси содир бўлди. Бу ҳақда УзА хабар берди.

Хабарга кўра, фуқаро Ғ. М. бошқарувида бўлган юк машинаси Конимех тумани ҳудудидан ўтувчи халқаро аҳамиятга эга А-379 йўлининг 110-километрида ҳаракатланиб кетаётганида бошқарувни йўқотиши натижасида ағдарилиб кетган.

Кейин эса фуқаро Ж. С. ўз бошқарувида бўлган "МАН" русумли автомашинасини ушбу йўналиш бўйича бошқариб келаётиб ҳодиса жойига яқинлашганда тезликни пасайтиради. Натижада олдинда кетаётган "Lasetti" русумли енгил автомашинани уриб юбориши оқибатида бошқарувни йўқотган ва қарама-қарши "Зарафшон - Навоий" йўналиши бўйича келаётган автомашинани уриб юоради. Охир оқибат 11 та автомашина - 3 та юк машинаси ва 8 та турли русумдаги енгил автомашина иштирокида йўл транспорт ҳодисаси содир этилган.

Мазкур ЙТҲ оқибатида 16 киши турли жароҳотлар билан шифохонага мурожаат қилишган. Вафот этганлар йўқ.

Ҳозирда дастлабки тергов суриштирув ишлари олиб борилмоқда.