Собиқ “МХХ” биноси ва “Малика” сотувга қўйилди

Президент Шавкат Мирзиёев “Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида”ги Фармонни имзолади.

Фармонга кўра, 32 та йирик давлат корхоналари ва хўжалик бирлашмалари трансформация қилинади. 15 та давлат кўчмас мулк объектлари хусусий секторга сотилади.

Сотувга қўйилган объектлар орасида Сайилгоҳ кўчасида жойлашган, 20 219 кв.м. майдонни эгаллаган Давлат хавфсизлик хизматининг собиқ марказий биноси ва 4,1 гектар майдонда жойлашган Савдо ва маиший хизмат кўрсатиш мажмуаси (Малика) ҳам бор. Тўлиқ рўйхат билан бу ерда танишинг.

Шунингдек, фармон билан:

– 274 та давлат улушлари бор корхона;

– 109 та газета, нашриёт ва журналлар;

– 26 та ахборот технологиялари корхоналари ва компьютер хизматлари кўрсатиш марказлари;

– 27 та хусусий сектор ривожланган соҳадаги тиббиёт муассасалари;

– 12 та ёғ-мой саноати корхоналари;

– 31 та виночилик тармоғи ва шароб савдо корхоналари тўлиқлигича оммавий савдолар орқали хусусий секторга сотилади.

Бунда давлат активларини сотиб олувчилар тўловларни қонунчиликда белгиланган тартибда бўлиб-бўлиб тўлаш шарти асосида амалга ошириши мумкин.