Mashinaning ustida "sayr" qilgan yigit

Yurib ketayotgan avtomobilning ustiga chiqib olib unda harakatlangan yigitlar qo‘lga olindi.

Yarim tundagi "sho‘xlik"

Ijtimoiy tarmoqlarda katta tezlikda harakatlanib ketayotgan avtomobilning ustiga chiqib olgan yigitning videotasvirlari ko‘plab muhokamalarga sabab bo‘ldi. Bu holatda 15-may kuni yarim tun, soat 00:30 atrofida Toshkent shahrining Mirzo Ulug‘bek tumani Mustaqillik shox ko‘chasida 1995-yilda tug‘ilgan haydovchi qora rangli Monza rusumli avtomobilida o‘z tanishini avtomobilning ustiga chiqarib olib katta tezlikda harakatlangan. Atrofdagi avtomobillardan biridagi shaxs esa bu holatni video tasvirga olib ijtimoiy tarmoqlarga joylashtirgan.

"Shovvozlar" qo‘lga olindi

Ikkala voqea ishtirokchilarining ham shaxsi aniqlanib, ularni Mirzo Ulug‘bek tumani IIB ga topshirilgan. Hozirda holat yuzasidan o‘rganish jarayonlari davom etmoqda. Ammo ularga jazo muqarrar!