$
 12948.10
-9.04
 14696.09
-6.38
 156.93
0.37
weather
+26
Кечаси   +14°
textileads

Rossiya migrantlar uchun mamlakatga kirish talablarini kuchaytirdi

post

Migrantlar uchun Rossiyaga kirish talablari kuchaytirildi. Bu haqda “TACC” nashri xabar bermoqda. 

O‘zgarishlar Belarus fuqarolari, 6 yoshgacha bo‘lgan bolalar uchun amal qilmaydi

Ma’lum bo‘lishicha, 2025-yil 30-iyundan boshlab chet el fuqarolari Rossiyaga kirishda, chegarani har qanday nazorat-o‘tkazish punktidan kesib o‘tganda, barmoq izlari va Face ID tekshiruvidan o‘tish shart bo‘ladi. Ushbu talab hukumat qarori bilan tasdiqlangan.

Ushbu o‘zgarishlar Belarus fuqarolari, 6 yoshgacha bo‘lgan bolalar, diplomatlar va Rossiyadagi xorijiy davlatlarning diplomatik vakolatxonalari, konsullik muassasalari xodimlari va ularning oilasiga, xalqaro tashkilotlar va ularning Rossiyada akkreditatsiya qilingan vakolatxonalari xodimlari hamda oilasiga taalluqli emas.

Davlatga vizasiz kirishni xohlovchilar tashrif maqsadlari haqida ariza yozishlari kerak

Shuningdek, Rossiyaga vizasiz kirish uchun xorijliklar maxsus ilovada oldindan biometrik ma’lumotlarini topshirishi va o‘zlari haqidagi ma’lumotlar hamda tashrif maqsadlarini ko‘rsatib ariza berishi mumkin.

Ma’lumot uchun, o‘tgan yilning 1-dekabridan boshlab chet elliklar va fuqaroligi bo‘lmagan shaxslar Rossiya chegarasini kesib o‘tish uchun Moskva va Moskva viloyati xalqaro aeroportlarida, shuningdek, Orenburg viloyatidagi “Mashtakovo” avtomobil nazorat-o‘tkazish punktida barmoq izlari va yuz tasvirini topshirayotgandi.