Актёр Раҳмонали Суропов реанимация бўлимига ётқизилди

«Қалпоқ» ҳажвий кўрсатуви орқали муҳлисларига яхши таниш бўлган актёр Раҳмонали Суропов 29 ноябрь куни инфаркт ташхиси билан оғир аҳволда касалхонага ётқизилди. Бу ҳақида Daryo.uz нашри хабар бермоқда.

«Уч кун аввал дадамни шаҳар 16-сон касалхонасига ётқиздик. Аҳволлари оғир эди. Ҳозир ҳам жонлантириш бўлимида. Халқимиздан ҳақларига дуо қилишларини сўрайман», — дея маълум қилган актёрнинг ўғли Сухроб Файзуллаев.

Актёрнинг шогирдлари ҳам ижтимоий тармоқларда халққа мурожаатномалар йўллаб, унинг оғир хасталик билан курашаётгани ҳамда устозлари ҳақига дуода бўлишларини сўраб пост қолдирган.