Карантин чекловлари яна узайтирилади

Бугун Президент Шавкат Мирзиёев раислигида бўлиб ўтаётган навбатдаги видеоселектор йиғилишида давлат раҳбари айни пайтда мамлакатда пандемияга қарши қандай кураш олиб борилаётганига алоҳида тўхталиб ўтди.

“Барчамиз ҳамжиҳатликда, чуқур масъулият билан тизимли ишласак, бу оғир синовларни албатта енгамиз. Яна бир бор такрорлайман, бугунги кундаги энг муҳим талаб - барчамиз пандемия шароитида яшаш ва ишлашга ўрганишимиз шарт”, - деди Президент.

Шунингдек, касаллик юқтирилишининг олдини олиш, ўлим ҳолатларини кескин камайтириш мақсадида Республика махсус комиссиясининг амалдаги карантин чекловларини узайтириш таклифига розилик билдирилди.