«Агар карантин узайтирилса, тестлар қолдирилади» – ДТМ директори

Давлат тест маркази директори Мажид Каримовнинг сўзларига кўра, биринчи курслар учун ўқиш 1 октябрдан бошланиши режалаштириляпти. Иккинчи ва ундан юқори курслар сентябрдан бошлаб масофадан таҳсил олишни бошлайдилар.

«Агар карантин 15 август ёки 30 августда бекор қилинса, тест синовлари 2 сентябрда бошланади. Биз 2 сентябргача пандемия билан боғлиқ вазият барқарорлашидан умидвормиз.

Агар карантин узайтирилса, албатта тест қолдирилади. Чунки биринчи навбатда абитуриентлар саломатлиги туради», — Мажид Каримов, Давлат тест маркази директори.