Жиззахда замонавий велотрасса қуриляпти

Шу кунларда Жиззах шаҳрида велоспортнинг ВМХ йўналиши бўйича жаҳон стандартларига жавоб берадиган трасса қурилиши олиб борилмоқда. Халқаро қатновлар очилгач, трасса қурилишида хизмат қиладиган европалик мутахассислар ҳам Жиззах шаҳрига етиб келишмоқда.

Кеча Ўзбекистон велосипед спорти федерацияси бош котиби Козим Ўринбойхўжаев қурилиш жойига ташриф буюриб, олиб борилаётган ишлар билан яқиндан танишди. Таъкидлаш жоиз, ҳозирда Халқаро велосипедчилар иттифоқи томонидан бириктирилган украиналик мутахассис Вадим Коровицький жараёнга бош-қош бўлиб турибди.

Шу кеча кундузда қурилишнинг энг мураккаб қисми – трасса, трибуна ва майдон атрофидаги бошқа объектларнинг пойдевори қуриб битказилди.

Манба: Миллий олимпия қўмитаси матбуот хизмати

Спорт оламидаги қайноқ ҳабарлар бу ерда.