Imtiyozli ish nima va uning qanday foydasi bor?

Imtiyozli ish — bu maxsus shartlarda hisobga olinadigan va erta pensiya yoki boshqa ijtimoiy imtiyozlarga ega bo‘lish huquqini beradigan staj turi. 

Bizdagi misolda, bu — I guruh nogironligi bo‘lgan shaxs yoki 18 yoshgacha bo‘lgan nogironligi bor bola, shuningdek, o‘zgalarning parvarishiga muhtoj bo‘lgan 80 yoshga to‘lgan qariyalar kabi o‘zgalar parvarishiga muhtoj bo‘lgan shaxslarga qarab turganlar uchun imtiyozlarni o‘z ichiga oladi.

Kimlarga beriladi?

O‘zgalar parvarishiga muhtoj shaxslarga muntazam qaragan shaxslar uchun beriladigan dalolatnoma, nogironligi bo‘lgan shaxs yoki 80 yoshdan oshgan keksa shaxsga qaragan va buni muntazam ravishda amalga oshirgan shaxslarga beriladi. Ko‘pincha bunday dalolatnoma ish stajini tasdiqlash uchun kerak bo‘ladi, shu tariqa u imtiyozli staj sifatida hisoblanadi.

Ma’lumotnomani qanday olish mumkin?

Ma’lumotnomani olish uchun quyidagi ishlarni bajarish kerak:

• Ijtimoiy himoya organiga (masalan, mahalla yoki hududingizdagi “Inson” ijtimoiy xizmatlar markazi) murojaat qilish kerak;
• O‘zgalar parvarishiga muhtoj shaxsga haqiqatdan ham qaraganligingizni tasdiqlash. Buni keksa shaxsning roziligi va boshqa guvohlarning (mahalla raisi va ijtimoiy xodim) ko‘rsatmalari orqali amalga oshirish mumkin.