O‘zbekiston iqlim o‘zgarishi bo‘yicha Yaqin Sharq mamlakatlari bilan hamkorlik qilmoqda

Yaqinda bo‘lib o‘tgan Saudiya Arabistoni Podshohligining Jidda shahrida tashkil qilingan Yaqin Sharq yashil tashabbusi (MGI) vazirlar kengashining birinchi yigʻilishi doirasida Ekologiya, atrof-muhitni muhofaza qilish va iqlim oʻzgarishi vaziri Aziz Abduhakimov xorijiy davlatlar vazirlari va atrof-muhitni muhofaza qilish idoralari rahbarlari bilan qator uchrashuvlar oʻtkazdi.

Qurg‘oqchilikka chidamli zonalarda in-vitro laboratoriyalar tashkil etiladi

Uchrashuvda, Saudiya Arabistoni Podshohligi atrof-muhit, suv va qishloq xo‘jaligi vaziri, COP16 prezidenti Abdulrahmon Al Fadli bilan uchrashuvda A.Abduhakimov MGI tashabbusi doirasida quyidagi yo‘nalishlarda hamkorlikni kuchaytirishni taklif etdi:

Qurg‘oqchilikka chidamli, qurg‘oqchil zonalarda yashashga moslashgan o‘simliklarni yetishtirish maqsadida in-vitro laboratoriyalar tarmog‘ini yaratish;

Mo‘ynoqda iqlim texnologiyalari “Expo Hub”ini (The Aral Valley) yaratishda texnik va ekspert yordamini jalb qilishda MGIga yordam ko‘rsatish;

“Yashil Makon” umummilliy loyihasi doirasida, jumladan, mintaqaviy miqyosda O‘zbekistonni ko‘kalamzorlashtirish bo‘yicha sa’y-harakatlarni yanada oshirish;

Oʻzbekistonga MGI platformasining geografik taʼsirini kengaytirishda, xususan, Markaziy Osiyo va Kavkaz mamlakatlarini jalb qilishda koʻmaklashish.

Iqlim o‘zgarishi masalalarida SI texnologiyalari joriy etiladi

Shuning bilan birga, BAA iqlim o‘zgarishi va atrof-muhitni muhofaza qilish vaziri o‘rinbosari M.Al Noaymi bilan uchrashuvda A.Abduhakimov BAA bilan bugungi kunda ekologiya sohasida faol ish olib borilayotgani, xususan, chiqindilarni energiyaga aylantiragan TADWEER kompaniyasi ishtirokida loyiha boshlanganini ta’kidladi.

Shuningdek, tomonlar iqlim o‘zgarishini modellashtirish va prognoz qilishda sun’iy intellekt texnologiyalarini joriy etish bo‘yicha “Green University” hamda BAA universiteti va iqlim o‘zgarishini modellashtirish va prognozlashda sun’iy intellekt texnologiyalarini joriy etish bo‘yicha Sun’iy intellekt universiteti o‘rtasida hamkorlik qilish to‘g‘risida kelishuvga erishdilar.

Uchrashuv yakunida tomonlar MGI doirasida O‘zbekiston tomonidan taklif etilayotgan loyihalar ustida ishlash va xalqaro maydonda cho‘llanish va yerlarning degradatsiyasi muammolarini ilgari surish bo‘yicha birgalikdagi sa’y-harakatlarni kuchaytirishga kelishib oldilar.