Ўзбек илм-фанида оғир жудолик. Атоқли олим Ғанижон Икромов 83 ёшида оламдан ўтди

Атоқли олим, физика-математика фанлари доктори, профессор, Садриддин Айний номидаги Самарқанд давлат педагогика институтининг собиқ ректори, жамоат арбоби Ғанижон Икромов 83 ёшида вафот этди.

Ғанижон Икромов 1936 йилда Жиззах шаҳрида таваллуд топган. У кўп йиллар давомида Ўзбекистон Республикаси Фанлар академиясининг Ядро физикаси институтида меҳнат қилган. У ерда катта лаборантдан катта илмий ходимгача бўлган лавозимларда иш олиб борган ва 1970 йилда номзодлик диссертациясини ёқлаган. 1970 йилдан бошлаб Садриддин Айний номидаги Самарқанд давлат педагогика институтида фаолият юритган. Ғ. Икромов 1984 йилда Россияда докторлик диссертациясини муваффақиятли ҳимоя қилиб, профессор унвонига сазовор бўлган. Шунингдек, Ғанижон Икромов шогирдлари орасидан кўплаб фан номзодлари етишиб чиққан.

Uz24 таҳририяти марҳумнинг яқинларига чуқур ҳамдардлик билдиради!