Havoning ifloslanishi tufayli yiliga 6,7 ​​million kishi hayotdan bevaqt ko‘z yummoqda

Jahon sog‘liqni saqlash tashkiloti bergan ma’lumotlarga ko‘ra, havoning ifloslanishi inson salomatligi uchun eng jiddiy ekologik tahdidlardan biri hisoblanadi. Aynan shu sabab tufayli yiliga 6,7 ​​million kishi hayotdan bevaqt ko‘z yummoqda.

Havoning ifloslanishi surunkali kasalliklarni kuchaytiradi

Ma’lum qilinishicha, atmosfera ifloslanishini kamaytirish choralarini ko‘rish orqali mamlakatlar insult, yurak-qon tomir kasalliklari, o‘pka saratoni va surunkali yoki o‘tkir respirator kasalliklar, jumladan, astma kabi kasalliklarning yukini kamaytirishi mumkin.

2019-yilda dunyo aholisining 99 foizi havoning ifloslanish darajasi JSST havo sifati ko‘rsatmalaridan oshib ketgan hududlarda yashagan.

Tashqi va yopiq havoning ifloslanishining birgalikdagi ta’siri yiliga 6,7 ​​million kishining bevaqt o‘limiga olib keladi.

2019-yilda atrof-muhit havosining ifloslanishi butun dunyo bo‘ylab 4,2 million erta o‘limga olib keldi: bu o‘lim yurak-qon tomir, nafas olish va saraton kasalliklarining rivojlanishiga olib keladigan mayda zarrachalar ta’siriga bog‘liq.

Erta o‘limlarning qariyb 89 foizi past yoki o‘rta daromadli mamlakatlarda kuzatilmoqda

Shuningdek, JSST hisob-kitoblariga ko‘ra, 2019-yilda havo ifloslanishi tufayli erta o‘lim holatlarining qariyb 68 foizi yurak-qon tomir kasalliklari va insult, 14 foizi surunkali obstruktiv o‘pka kasalligi, 14 foizi quyi nafas yo‘llarining o‘tkir infeksiyalari va 4% - o‘pka saratoni natijasida.

Atmosfera ifloslanishining asosiy manbalarining ta’sirini ekologik toza transport turlarini rivojlantirishni rag‘batlantirish, binolarning energiya samaradorligini oshirish, elektr energiyasini va sanoat ishlab chiqarishni, shuningdek,maishiy chiqindilarni utilizatsiya qilish tizimini takomillashtirishni targ‘ib qiluvchi siyosat va investitsiyalar orqali kamaytirish mumkin.

Shuning bilan birga, erta o‘limlarning qariyb 89 foizi past yoki o‘rta daromadli mamlakatlarda, birinchi navbatda JSSTning Janubi-Sharqiy Osiyo va G‘arbiy Tinch okeani mintaqalarida sodir bo‘lgan.