Наманган ҳокими кўпкарига қатнашиб, туя ютиб олди (+видео)

Ижтимоий тармоқларда Наманган ҳокимининг улоқ чопаётгани акс этган видеолар тарқалди.

Наманган вилоят ҳокимлигига кўра, кеча, 26 декабрь куни Наманган шаҳрининг Давлатобод туманидаги “Отчопар”да бу йил ғалла ва пахта режасини биринчилардан бўлиб бажарган тўрақўрғонликлар шарафига улоқ-кўпкари мусобақаси ташкил этилган.

Кўпкарига вилоятнинг барча туманларидан, қўшни вилоятлар ва Қирғизистондан жами мингга яқин чавандозлар келишгани айтилмоқда.

Улоқ мусобақасини минглаб томошабинлар кузатиб борган. Ҳосил байрамида вилоят ҳокими Шавкатжон Абдураззоқов улоқда қатнашиб, қўйилган зотлардани бири бўлган туяни қўлга киритган.