O‘zbekiston yoshlari tengqurlarini ayashmayapti

O‘zbekiston U-20 jamoasi Xitoy Taypeyida bo‘lib o‘tayotgan Osiyo Kubogi U-20 turnirining saralash bosqichida ishtirok etmoqda.

G‘alabali seriya

Ayni vaqt O‘zbekiston U-20 jamoasi Xitoy Taypeyida bo‘lib o‘tayotgan Osiyo Kubogi U-20 turnirining saralash bosqichida ishtirok etmoqda. Vakillarimiz 2-turni Nepalga qarshi o‘tkazib, javobsiz 6 ta gol urdi. Saidnurrullayev dublga erishgan bo‘lsa, Ibrayimov, Mirzayev, Rejabaliyev va Haydarov ham o‘z hisoblariga gol yozdirib qo‘yishdi. Farhod Nishonov bosh murabbiyligidagi O‘zbekiston U20 jamoasi Osiyo kubogi saralashining ilk turini ham yirik hisob bilan boshlagan edi. Musobaqaning 1-turida Kambojaga qarshi saf tortgan yoshlarimiz raqibni tor-mor etishgan – 7:0.

Guruhdagi vaziyat

O‘zbekiston yoshlar jamoasi Kambodja, Nepal, Xitoy Taypeyi va Bahrayn bilan bir guruhdan joy olgan. O‘zbekistonning guruhidagi saralash bahslari 21-29 sentyabr kunlari Xitoy Taypeyida bo‘lib o‘tadi. Saralash natijalariga ko‘ra, 10 ta guruh g‘olibi va guruhlarda ikkinchi o‘rinni egallagan eng yaxshi 5 jamoa fevraldagi qit’a chempionatiga yo‘l oladi.