Abduqodir Husanov 21 yoshgacha bo‘lgan futbolchilar orasida eng yaxshi markaziy himoyachi

Xalqaro sport tadqiqotlari markazi (CIES) turli pozitsiyalar bo‘yicha 21 yoshgacha bo‘lgan eng yaxshi futbolchilar reytingini tuzib chiqdi. 

Kuchli uchlik 

Himoyaviy harakatlar borasida Abduqodir Husanov eng yaxshi markaziy himoyachi deb topildi. Fransiyaning “Lans” klubida o‘ynayotgan o‘zbekistonlik futbolchi 100 ballik tizimda 81,8 ball qo‘lga kiritdi. Ikkinchi pog‘onani “Fiorentina” a’zosi Piyetro Komuzzo egallagan bo‘lsa, “Genk” himoyachisi Matte Smets uchinchi o‘ringa loyiq ko‘rildi. 

Universal markaziy himoyachilar 

21 yoshgacha bo‘lgan universal, ya’ni hujum boshlashda ham yaxshi bo‘lgan markaziy himoyachilar reytingida esa “Barselona” a’zosi Pau Kubarsi birinchi bo‘ldi. Uchlikdan “Bryugge”dan Joel Ordonez va “Anderlext”dan Yan-Karlo Simich o‘rin oldi.