Favvoralar mavsumi boshlandi

1-maydan boshlab poytaxtda favvoralar mavsumi boshlandi. Bog‘lar, xiyobonlar va maydonlarda suv shovqini yana eshitilib, shaharga o‘zgacha kayfiyat bermoqda. Kunduzi quyosh nuri ostida jilvalangan suv tomchilari ko‘zni quvontirayotgan bo‘lsa, kechga borib Mustaqillik maydoni yanada go‘zal ko‘rinmoqda.

Bu yerda ba’zi odamlar sayr qilsa, yana ba’zilari suratga tushadi, sayyohlar esa shahar manzarasidan zavq oladi. Alisher Navoiy nomidagi katta teatr atrofidagi favvoralar ham an’anaviy dam olish maskaniga aylangan. Bu yerga odamlar salqinlik va osoyishtalik izlab keladi.

Shahar kayfiyati va bahorning nafis onlari fotograf Xolida Musulmon suratlarida