Mark Sukerberg Facebook va Instagramda faktlarni tekshirishni bekor qilmoqda

Meta asoschisi Mark Sukerberg foydalanuvchilar tasmasidagi siyosiy kontentni cheklovchi o‘zgarishlarni bekor qilish qarorini e’lon qildi. Ushbu yangiliklar Facebook va Instagramga ta’sir qiladi.

“So‘z erkinligi ildizlariga qaytish vaqti keldi”

Ma’lum qilinishicha, Meta guruhining ijtimoiy tarmoqlarida endi faktlarni tekshirish tizimi joriy qilingan. Facebook veb-saytiga ko‘ra, buni “mustaqil xalqaro faktlarni tekshirish tarmog‘i yoki Yevropa fakt-checking tarmog‘i tomonidan sertifikatlangan uchinchi tomon faktchecking tashkilotlari” amalga oshiradi.

“So‘z erkinligi ildizlariga qaytish vaqti keldi. Biz faktlarni tekshirishni hamjamiyat eslatmalariga almashtirmoqdamiz, qoidalarimizni soddalashtirmoqdamiz va xatolarni kamaytirishga e’tibor qaratamiz. Keyingi harakatni intiqlik bilan kutamiz”, – dedi Meta rahbari.

Loyiha muharriri qarorga e’tiroz bildirgan

Shuningdek, “Verified Media” loyihasi bosh muharriri va Facebook fakt tekshiruvchisi Ilya Ber Metaning ijtimoiy tarmoqlardagi kontentni moderatsiya qilish siyosatini o‘zgartirish haqidagi qarorini tanqid qildi. “Men ham fakt-tekshiruvchi hamjamiyat kabi bunga yomon munosabatdaman. Bu orqaga katta qadam. Va, Sukerberg bu bayonotni qanday sharoitda aytganidan qat’i nazar, u tanlagan so‘zlar juda yomon va xabar sifatida zararli. Faktlarni tekshirish hech qanday tarzda senzura emas,“ – dedi u.

Sukerbergning ushbu qarori Meta kompaniyasining xalqaro nufuzining oshishiga ham olib kelishi mumkin.

Eslatib, o‘tamiz, sentyabr boshida Instagram ota-ona nazorati ostidagi o‘smirlar uchun akkauntlarni joriy qilgan edi.