Inson hayoti uchun xavf tug‘diruvchi brigadalar faoliyatiga chek qo‘yildi

Vazirlar Mahkamasi huzuridagi “O‘zenergoinspeksiya” tomonidan energetika xavfsizligi oyligi doirasida energetika obyektlarida ta’mirlash ishlari olib borilayotgan brigadalarning inson hayoti uchun xavf tug‘dirishi mumkin bo‘lgan holatlar o‘rganildi.

25 ta brigada ishdan chetlashtirildi

O‘rganishlar davomida noyabr oyida xavfsizlik texnikasi qoidalariga zid ravishda ish faoliyatini olib borayotgan 35 ta brigada aniqlandi. Ushbu brigadalarning 25 tasi ishdan chetlashtirildi.

Brigadalar xavfsizlik talablariga amal qilishlari kerak

Ma’lum qilinishicha, energetika obyektlarida qurilmalarni xavfsizlik texnikasi qoidalariga asosan ekspluatatsiya qilishni ta’minlashga doir qonun-qoida talablari mavjud. 

Ushbu qoidalarga rioya etmasdan ishlarni tashkil etish inson hayoti uchun xavf tug‘dirishi yoki baxtsiz hodisalarga sabab bo‘lishi mumkinligini har bir soha xodimi yodda tutishi lozim!