Rekordlar oyi: O‘zbek so‘mi yangi yilning dastlabki oyini qadrsizlanish bilan boshladi
2025-yilning yanvar oyida milliy valyuta 36,5 so‘mdan ko‘proq qiymatini yo‘qotgan.
1 daqiqa o‘qiladi
Markaziy bank ma’lumotlariga ko‘ra, o‘zbek so‘mi joriy yilning ilk oyini AQSh dollariga nisbatan biroz qadrsizlanish bilan boshlagan.
Oy davomidagi o'zgarishlar
O'tgan oyda so'mning zaiflashishi 36,53 so‘mni yoki 0,28%ni tashkil etib, 12 957,01 so‘mni tashkil etgan. AQSh valyutasi oy davomida o'z qiymatini bir xil holatda saqlagan va 2 dekadadan so'ng, 12 990 so‘mdan oshib, yangi rekord o‘rnatadi. Oyning so‘nggi haftasida so‘m ham o‘z pasayishini biroz tiklaydi. 2024-yil yakunlariga ko‘ra, o‘zbek so‘mi nisbiy hisobda 4,71%ga qadrsizlandi.
Yetti rekord natija
Oy avvalida ba’zi tijorat banklarida dollar kursi 13 000 so‘mdan oshib ketadi. Qiziqarlisi, yanvar oyida dollar kursi yetti marta rekordni yangilab, 22-yanvar kuni 12 990 so‘mni, 21-yanvar kuni 12 984,44 so‘mni, 20-yanvar kuni 12 975,09 so‘mni, 13-yanvar kuni 12 972,08 so‘mni, 8-yanvar kuni 12 962,98 so‘mni, 7-yanvar kuni 12 948,10 so‘mni, 4-yanvar kuni esa 12 942,01 so‘mni tashkil qilgan.
Ma'lumot uchun, valyutani eng qimmat narxda “Ipoteka-bank” — 13 035 so‘mga sotmoqda, eng foydali kursni esa “Anorbank”, “Asakabank” va “Biznesni rivojlantirish banki” taklif etmoqda — 12 920 so‘m.
