BYD Tesla'ni ortda qoldirishi mumkin

BYD 2024-yilning to‘rtinchi choragi bo‘yicha hisobotni taqdim etdi. Tesla'da esa uchinchi chorak hisoboti mavjud. Bundan kelib chiqib ekspertlar BYD 2024-yilda elektromobil bozorida yetakchilikni qo‘lga olgan bo‘lishi mumkinligini ta’kidlamoqda.

BYD 2024-yilda 1,76 millionta elektromobil sotdi

BYD (Xitoy) taqdim etgan hisobotga ko‘ra, kompaniya to‘rtinchi chorakda rekord ko‘rsatkichlar qayd etib, 2024-yilda 1,76 millionta elektromobil sotdi. Ta’kidlanishicha, bu o‘sish subsidiyalar va chegirmalar yordamida amalga oshgan.

Tesla'da natijalar qanday?

Ushbu bozorning amaldagi yetakchisi Tesla esa 2024-yilning uch choragida 1,29 mln dona elektromobil sotdi, ya’ni kompaniya yana 476 ming dona mashina sotgan taqdirda yilni karvonboshi sifatida yakunlaydi, aks holda xitoyliklar o‘zib ketadi. Tesla kelayotgan haftada hisobotini e’lon qilishi kutilmoqda.

BYD yillik sotuvda raqobatchisini ortda qoldira olmagan

BYD Teslani choraklarda sotilgan mashinalar soni bo‘yicha bir yil avval ortda qoldirgan, ammo yillik sotuvlarda hali peshqadamlikka erishgan emas.

Yana bir jihatni hisobga olganda, xitoyliklar allaqachon ilgarilab ketishgan. Ya’ni gibrid elekromobillarni ham qo‘shganda BYD kompaniyasi 2024-yil davomida jami 4,25 mln. dona mashina sotdi. Birgina dekabrning o‘zida BYD brendi ostida 510 mingta gibrid elektromobil sotilgan.

Kompaniyada 41 foizlik o‘sish

BYDning umumiy avtomobil sotuvlari 2024-yilda 41 foizga o‘sdi, asosan gibrid avtomobillarga bo‘lgan talab oshdi. Kompaniya Xitoyda 90 foiz avtomobillarini sotmoqda va Volkswagen hamda Toyota kabi chet el brendlariga qarshi o‘z pozitsiyasini mustahkamladi.

Daromad ko‘p lekin sotuv emas

BYD va boshqa xitoylik EV ishlab chiqaruvchilarining o‘sishi G‘arb bozorlarida yuzaga kelgan qiyinchiliklar bilan qarama-qarshi ketmoqda. Shuningdek, BYD Xitoydan tashqaridagi bozorlarda o‘sishni davom ettirib, Braziliyada qurilishdagi to‘xtashga duch keldi.

BYD kompaniyasi 2024-yilning uchinchi choragida $28.2 milliard daromadga erishdi, bu esa Tesla kompaniyasining $25.2 milliard daromadidan yuqori. Biroq, Tesla hali ham BYDdan ko‘proq elektr avtomobillarini sotmoqda.