Ўқишга киритиб қўйишни ваъда қилган яна бир фирибгар қўлга олинди

Ўқишга “киришда” ёрдам беришни ваъда қилиб, 3 минг АҚШ доллари олган шахсга нисбатан жиноий иш қўзғатилди. Бу ҳақида ИИВ хабар берди.

8 сентябрь куни Чилонзор туманида 27 ёшли бухоролик йигит Бухоро вилоятидан бўлган 42 ёшли аёлга Россия университетларидан бирига киришда ёрдам беришини ваъда қилгани ва бунинг учун пул олгани аниқланди.

Маълум бўлишича, у бу хизмати эвазига 3000 АҚШ доллари олган.

Унга нисбатан Ўзбекистон Республикаси Жиноят кодексининг 168 моддаси (“Фирибгарлик”) бўйича жиноий иш қўзғатилди. Тергов давом этмоқда.