$
 12933.16
-14.94
 14719.23
23.14
 158.28
1.35
weather
+26
Кечаси   +14°
powerads

Qish mavsumida bolalarni yuqumli kasalliklardan qanday himoya qilish mumkin?

bola

Qish mavsumida yosh bolalarda laringit, o‘tkir yo‘tal va gripp kasalliklari kabi mavsumiy kasalliklar turkumidagi o‘tkir respirator virusli infeksiyalar soni ortib boradi. Ayniqsa, qishning qahratonida maktabgacha va maktab yoshidagi bolalar yuqumli kasalliklarga chalinishga moyil bo‘ladi. Mutaxassislar bolalarni kasalliklardan himoya qilishda yordam beruvchi bir qator muhim ma’lumot va tavsiyalarni berishdi.

Kun tartibi va ovqatlanishga e’tibor berish lozim

Eng avval o‘sib borayotgan organizm sog‘lom ovqatlanishi, bolaning ratsioni turli xil va balansli oziq-ovqatlardan iborat bo‘lishi kerak. Kundalik taomnomada yangi uzilgan sabzavotlar, mevalar (sitrus mevalar, kivi, qulupnay), oqsilli ovqatlar (go‘sht, baliq, dukkaklilar), foydali yog‘lar (yong‘oq, avokado, baliq, tuxum) bo‘lishi zarur. Ular organizmni zarur vitaminlar va minerallar bilan ta’minlaydi.

Shuningdek, bolalarning kundalik rejimga amal qilishi ham muhim, ular kuniga 10-12 soat uxlashi, o‘z vaqtida kunduzgi uyquga yotishi lozim. Kundalik faoliyati tartibga solinmagan va kam uxlaydigan bolalarning immuniteti zaifroq bo‘ladi va infeksiyalarga chalinish moyilligi ortadi. Shuningdek, toza havoda sayr qilish, faol o‘yinlar va sport bilan shug‘ullanish kabi muntazam jismoniy faollik ham immun tizimini mustahkamlaydi.

Bolalarga gigiyena qoidalarini o‘rgatish, doimo qo‘llarni sovun bilan yuvish, kir qo‘llar bilan yuz, burun, og‘iz va ko‘z sohasiga tegmaslikni uqtirish lozim. Oila a’zolarining barchasida o‘zining shaxsiy sochig‘i va boshqa gigiyenik vositalari alohida bo‘lishi zarur.

Xonalarni tez-tez shamollatib turish kerak

Xonadondagi va bolalar vaqt o‘tkazadigan har qanday xonadagi havoni muntazam shamollatish kerak. Ayniqsa, yaqin hududda biror yuqumli kasallik epidemiyasi e’lon qilingan bo‘lsa, xonalarga toza havo oqimi kirishini ta’minlash muhimdir.

Shuning bilan birga, pediatrlar tavsiyasiga ko‘ra, emlash bir qator xavfli infeksiyalardan himoya qiladi va kasallikning jiddiy asoratlar bilan o‘tishiga yo‘l qo‘ymaydi. Shuningdek, tanani chiniqtirish ham immunitetni mustahkamlaydi va organizmning sovuqqa chidamliligini oshiradi.

Yuqumli kasalliklar avj olgan mavsumda kasallangan odamlardan masofa saqlash, agar oilada kimdir kasal bo‘lsa, bemor va yosh bolalar o‘rtasidagi aloqani cheklash zarur. Kuz-qish mavsumida jamoat transporti, bolalar o‘yingohlari va odamlar gavjum bo‘ladigan boshqa joylarga bormaslik lozim.

Tibbiyot mutaxassislari yoshlar ham, kattalar ham birdek ko‘proq suyuqlik ichishi kerakligini ta’kidlaydi, chunki organizmdagi suv balansi juda muhim.

Bola salomatligida ruhiyat ko‘tarinkiligi eng muhimi!

Bular bilan bir qatorda uy, bog‘cha yoki maktabdagi stressli muhit va umuman salbiy hislar bolaning immunitetini zaiflashtiradi, shu sababli farzandlar uchun yoqimli hissiy muhit yaratish, ular bilan ko‘proq vaqt o‘tkazish, birgalikda o‘ynash va ijodiy qobiliyatlarini rivojlantirish muhim.

Yuqorida aytib o‘tilgan maslahat va tavsiyalarga jiddiy amal qilinsa, qishda bolalarning yuqumli kasalliklarga chalinishi kuzatilmaydi.