O‘zbekiston va Tanzaniya o‘rtasida aviatsiya qatnovlari bo‘yicha bitim imzolandi

O‘zbekiston Respublikasi ICAN-2024 tadbiri doirasida Transport vazirligi delegatsiyasi tomonidan Tashqi ishlar vazirligi qo‘llab-quvvatlovi bilan yangi yo‘nalishlarda aviaqatnovlarni yo‘lga qo‘yish bo‘yicha qator davlatlar bilan kelishuvlar olib borilmoqda. Ushbu loyiha doirasida O‘zbekiston va Tanzaniya o‘rtasida aviatsiya qatnovlari bo‘yicha bitim imzolandi. Muzokaralar davomida ikki mamlakat o‘rtasida yo‘lovchi tashish bo‘yicha haftasiga 21 marta, yuk tashish bo‘yicha esa cheksiz aviaqatnovlarni amalga oshirishni yo‘lga qo‘yish yuzasidan kelishuv imzolandi.

Cheksiz aviaqatnovlar amalga oshiriladi

Muzokaralar so‘nggida ikki mamlakat o‘rtasida yo‘lovchi tashish bo‘yicha haftasiga 21 marta, yuk tashish bo‘yicha esa cheksiz aviaqatnovlarni amalga oshirishni yo‘lga qo‘yish yuzasidan kelishuv imzolandi.

Tanzaniyaning turistik markazlariga O‘zbekistondan sayyohlar tashrif buyurishadi

Shuningdek, Tanzaniya O‘zbekiston uchun mutlaqo yangi yo‘nalish hisoblanadi. Mamlakat o‘zining mo‘tadil ob-havo sharoiti, Maldiv orollari bilan bellasha oladigan zilol suvlariga ega Zanzibar oroli, yovvoyi tabiat qo‘ynidagi savannalari hamda sarguzashtlarga boy Klimanjaro tog‘lari bilan turistlar e’tiborini, shuningdek qahva, choy, kakao, gullar va tropik mevalari bilan savdogarlar e’tiborini tortib keladi.

Ushbu mamlakat esa o‘z navbatida O‘zbekistonining turistik kompaniyalari hamda aviakompaniyalari uchun tranzit turistlar oqimini rivojlantirishga ajoyib imkoniyat hisoblanadi. Shuningdek, Tanzaniya aholisi uchun O‘zbekistonga ziyorat turizmini yo‘lga qo‘yish bo‘yicha Turizm qo‘mitasi hamda aviakompaniyalar uchun yangi eshiklarni ochadi.