Қуёшли кунлар қайтяпти. Ҳафта ўрталарига бориб Ўзбекистонда ҳарорат 27 даражагача кўтарилади

Ўзгидромет эълон қилган маълумотларга кўра, Ўзбекистонга Эрон ҳудудидан илиқ ва қуруқ ҳаво кириб келиши давом этмоқда. Бугун ҳарорат фони иқлим меъёрларидан 8-10 даражага кўп бўлади ва 15-20 даража илиқ, жанубда 22-27 даража илиқ атрофида бўлади.

16 февралдан 18 февралгача Эрон ҳудудларининг жанубидан илиқ ҳаво кириб келиши кучайиб, 18 февраль куни энг иссиқ кун бўлиши кутилмоқда. Ўртача кеча-кундузлик ҳаво ҳарорати меъёрдан 13-15 даражага кўп бўлади ва метеорологик кузатув даври учун шу кунларнинг мутлақ қийматларидан кўп бўлади. Бироқ дам олиш кунларига келиб, об-ҳаво шароити кескин ўзгариши кутилмоқда.