Ўзбекистон аҳолисининг нечтаси аёл, нечтаси эркак эканлиги маълум қилинди

Сўнгги 9 ойда Ўзбекистон умумий аҳолисининг кўп қисмини аёлларга нисбатан эркаклар ташкил этди. Бу ҳақда Статистика қўмитаси ахборот хизмати хабар берди.

Маълум қилинишича, жорий йилнинг 1 октябрь ҳолатига кўра, доимий аҳоли сони 34 382,7 минг кишини ташкил этди. Шундан аёллар сони 17 млн 092,2 минг кишини ва мамлакат аҳолисининг 49,7% ни ташкил этди.

Ўз навбатида, эркаклар сони 17 млн 290,5 минг киши ва мамлакат аҳолисининг 50,3 % ни ташкил этади.

Шунингдек, 2020 йилнинг 9 ойи мобайнида ФҲДЁ органлари томонидан 614,7 минг туғилганлар рўйхатга олинган. Улардан 295,4 минг қиз ва 319,3 минг ўғил болалардир.