Японияда минг дозадан кўпроқ вакцина «айниб» қолди

 Японияда музлаткич ишдан чиқиши сабабли унда сақланган “Pfizer” вакцинасининг 1 минг 32 та дозаси яроқсиз ҳолатга келиб қолган. Бу ҳақда ҳукумат вакили Катсунобу Като маълум қилди.

Унинг айтишича, музлаткични қайси корхона ўрнатгани, бунга масъуллардан ким жавобгар эканини аниқлаш бўйича суриштирув ишлари олиб бориляпти.

Белгиланган норма бўйича “Pfizer/BioNTech” вакциналари -80 даражадан -60 даражагача ҳароратда сақланиши керак бўлган.