«Андижон» ФК жаримага тортилди

«Андижон» футбол клубига нисбатан жарима интизом чораси қўлланди. Бу ҳақида Профессионал футбол лигаси хабар берди. “«Андижон» футбол клуби футболчиси Фарҳод Мирахматов Cоcа Cола Суперлиганинг 19-туридан ўрин олган «Андижон» – «Сўғдиёна» учрашувида иккита сариқ карточка олиб, қизил карточка билан майдондан четлатилган эди.

Футболчи навбатдаги тур учрашувини ўтказиб юбориши кераклиги белгиланган бўлсада, у У-21 биринчилигининг 20-турида «Бунёдкор У-21» жамоасига қарши асосий таркибда майдонга тушган. Бу билан «Андижон» футбол клуби Профессионал футбол клублари учун 2020 йилги мусобақалар регламентининг 9.19-бандини бузди. Унда қайд этилганидек, агар жамоа ғалаба қозонса ёки дуранг ўйнаса, унга техник мағлубият ёзилади, қўшимчасига, ЎФА Интизом кодексига мувофиқ жарима солинади. 

«Андижон У-21» жамоаси мазкур беллашувда мағлуб бўлганлиги сабабли учрашув натижаси (голлар, огоҳлантириш ва четлатишлар) ўз кучида қолди ва ЎФА Интизом кодексининг 5.34, 5.47-бандларига асосан «Андижон» футбол клубига нисбатан жарима интизом чораси қўлланилди” – дейилади хабарда.

Спорт оламидаги қайноқ ҳабарлар бу ерда.