Андижонда икки бошли илон топилди

Андижон вилоятининг Хўжаобод туманида икки бошли илон топилди. Бу воқеа 1 ноябрь куни содир бўлган.

Маълум қилинишича, ушбу икки бошли илонни кўрган фуқаро Улуғбек Муҳаммаджонов унинг оддий сув илон эканлигини, узунлиги йигирма сантиметрлар атрофидалигини айтган.

— Кўчада ўйнаб юрган болалар ушлаб олишибди. Қарасам, ҳали видеога олишяпти, ҳали бошини силашяпти. Бу аҳволда уни нобуд қилиб қўйишларидан қўрқиб уйимиз ёнидан оқиб ўтувчи Шахрихонсойга қўйиб юбордим,— дейди фуқаро У.Муҳаммаджонов.