“Allamjonov ishi” kengaymoqda: Yana uch nafar gumonlanuvchi qo‘lga olindi

Joriy yil 26-oktyabr kuni Qibray tumanida fuqaro S.S. boshqaruvidagi "Range Rover" rusumli avtomashinaga qarata 2 nafar noma’lum shaxs o‘qotar quroldan bir necha marotaba o‘q uzib, qasddan odam o‘ldirishga suiqasd qilib, noma’lum tomonga yashiringani va mazkur "ish"ga aloqadorlikda gumon qilingan bir nafar shaxsning qo‘lga olingani xabar qilingan edi.

Yangi gumonlanuvchilar qo‘lga olindi

Bosh prokuratura "o‘tkazilgan tergov va tezkor qidiruv tadbirlari davomida ushbu jinoyatni sodir etishga aloqador bo‘lgan shaxslarning yana uch nafari aniqlanib, gumonlanuvchi tariqasida ushlangani" haqida ma’lumot berdi.

Ish tergov jarayonida

"Bosh prokuratura tomonidan Qibraydagi qotillikka suiqasd holati bilan bog‘liq jinoyat ishi yuzasidan tergov harakatlari olib borilmoqda", – deyiladi idora xabarida.