73 турдаги товарлар импорти учун акциз солиғи олинмайди

Импорт учун 73 турдаги товарлардан акциз солиғи олинмайди. Бу ҳақда Молия вазирлигининг «Солиқ сиёсатининг 2021 йилга мўлжалланган асосий йўналишлари қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳасида айтилган.

Унга кўра, импорт бўйича 73 та товар позициясига акциз солиғини бекор қилиш таклиф этилмоқда, хусусан, озиқ-овқат маҳсулотлари (20 турдаги товарлар), электротехника товарлари бўйича (35 турдаги товарлар) ва бошқалар. Бу тадбиркорлик субъектларига тенг шароитларни таъминлашга имкон беради.