Ўзбекистонда ажримлар сони ўтган йилга нисбатан 3,6 мингтага камайди

Жорий йилда Ўзбекистонда ажримлар сони ўтган йилга нисбатан 3 608 мингтага камайди. Бу ҳақда Статистика қўмитасининг ахборот хизмати хабар қилди.

Хабарга кўра, 2020 йилнинг 9 ойида республика бўйича ФҲДЁ органларида 19 970 та ажрим ҳолатлари қайд этилган. Бу кўрсаткич ўтган йилнинг мос даври билан солиштирилганда 3 608 тага кам.

Жумладан, йиллар кесимида (январь-сентябрь ҳолатига кўра) ажримлар сони қуйидагича:

- 2017 йил – 23,6 минг;

- 2018 йил – 23,8 минг;

- 2019 йил – 23,6 минг;

- 2020 йил – 20,0 минг.

Шунингдек, ўтган 9 ой мобайнида ФҲДЁ органларида қайд этилган ажримлар сони бўйича Тошкент шаҳри – 2746 та, Андижон – 2271 та, Тошкент – 2074 та, Самарқанд – 2058 та ва 1988 та билан Фарғона вилоятлари юқори ўринни эгаллаган.

Маълумот учун, республика бўйича 9 ойда энг кам ажрим ҳолатлари Навоий (669 та) вилоятида қайд этилган.