Туркияда ўзини 10-қаватдан ташлаган ўзбекистонлик 18 яшар қиз ҳақида расмий маълумот берилди

Аввалроқ ўзбекистонлик аёл Туркиянинг Измир шаҳрида бинонинг 10-қаватидан сакраб вафот этгани хабар қилинганди.

Ташқи ишлар вазирлигининг хабар беришича, Ўзбекистоннинг Истанбул шаҳридаги Бош консулхонаси 2002 йил 21 майда туғилган Ўзбекистон фуқаросининг 2021 йил 2 январь куни Измир музофоти (Туркия Республикаси) Каршияка туманидаги турар-жой биносининг ўнинчи қаватидан қулаши оқибатида вафот этганлиги ҳақидаги хабарларни расман тасдиқлаган.

Ҳуқуқни муҳофаза қилувчи идоралар Ўзбекистон фуқаросининг ўлими бўйича тергов жараёнини бошлагани айтилмоқда.

Бундан ташқари, Бош консулхона маълумотларига кўра, 2021 йил 1 январь куни Истанбул шаҳрида 1974 йилда туғилган яна бир Ўзбекистон фуқароси юрак етишмовчилигидан вафот этган.