Ўзбекистонда Хитой вакцинасини олган кўнгиллиларга 100 доллардан бериляпти

Ўзбекистонда Хитойдан келтирилган вакцинанинг синов жараёнларида кўнгилли равишда қатнашган 18 ёшдан катта фуқароларга 100 АҚШ доллари босқичма-босқич бериб борилади.

Бу ҳақида Санитария-эпидемиологик осойишталик ва жамоат саломатлиги хизмати мутахассиси Вазира Мўминовна Тошкентда ЮНИСEФ томонидан журналистлар учун ташкил этилган тренингда маълум қилган.

Ўзбекистонга Хитой Халқ Республикасидан 5 минг аҳолига мўлжалланган коронавирусга қарши Zhifei Loncom Biofarmaceutical компаниясининг ZF 2001 вакцинаси келтирилган.

Хитой вакцинаси билан эмлаш учун 15 минг нафарга яқин одамда текширувлар олиб борилган бўлиб, улардан 5 минг нафардан ортиқ кўнгиллиларда эмлаш жараёни ўтказилмоқда.