Ўзбекистон ҳарбий ҳаво кучлари самолёти Хитойдан 25 тонналик тиббиёт воситаларини олиб келди

Ўзбекистон Республикаси Мудофаа вазирлигининг Ҳарбий ҳаво кучларига қарашли самолёт Пекин–Тошкент йўналишида махсус юк рейсини амалга ошириб, Ислом Каримов номидаги халқаро аэропортга келиб қўнди. 25 тонналик юк таркибида тиббиёт воситалари, жумладан, сунъий нафас олиш ускуналари (ИВЛ), Covid-19 касаллигига қарши қўлланиладиган дори-дармон ва тиббиёт воситалари мавжуд.

Мазкур рейс Uz Air Force — ҳарбий транспорт авиацияси шахсий таркиби, ҳарбий экипажи ва Ўзбекистон Республикаси Мудофаа вазирлигининг саъй-ҳаракати ҳамда Хитой ҳукуматиниг кўмаги билан амалга оширилгани айтилмоқда.