“Qora dayjest”: 2024-yil 3-dekabr voqealari

Xalqaro qidiruvda bo‘lgan O‘zbekiston fuqarosi Rossiyada qo‘lga olindi

Orenburg viloyatida huquq-tartibot idoralari davlatlararo qidiruvda bo‘lgan O‘zbekiston fuqarosini qo‘lga oldi.

Erkak to’rtta firibgarlik, shuningdek, sakkizta hujjatlarni tayyorlash va qalbakilashtirishda ayblanmoqda.

Sud prokurorning iltimosini qanoatlantirib, hibsga olingan shaxsni qamoqqa olishga qaror qildi.

Yaqin kunlarda u keyingi ish yuritish uchun O‘zbekistonga ekstraditsiya qilinadi.

Rossiyada yigit o‘zbekistonlik oshpazni pichoq bilan yaraladi

2-dekabrga o‘tar kechasi Vyborgda oshpaz bo‘lib ishlayotgan 25 yoshli O‘zbekiston fuqarosi ko‘krak qafasidagi teshik va o‘pka jarohati bilan kasalxonaga yotqizildi.

Uning ahvoli og‘ir deb baholanmoqda va reanimatsiyada.

Huquq-tartibot idoralariga ko‘ra, hujum 00:20 dan 00:40 gacha Qizil maydon yaqinidagi Ushakova ko‘chasida sodir bo‘lgan.

Jinoyat sodir etganlikda gumon qilinib, jabrlanuvchining 21 yoshli hamyurti qidirilmoqda.

Hozirda jinoyat ishi qo‘zg‘atilib, politsiya gumonlanuvchini qidirmoqda.

Ikki viloyatda iste’molga yaroqsiz yog‘ ishlab chiqarish holati aniqlandi

Bosh prokuratura huzuridagi departamentning Qarshi shahri bo‘limi va IIB xodimlari hamkorligida tezkor tadbir o‘tkazilgan.

Unda fuqaro F.K. o‘z uyining yordamchi xo‘jaligida yashirin yog‘ ishlab chiqarayotganligi aniqlanib, ushbu xonadondan 300 litr iste’molga yaroqsiz yog‘, 354 kg paxta, 6 dona uskuna jami 189,3 mln so‘mlik tovar moddiy boyliklari ashyoviy dalil sifatida olingan.

Shu kabi, departamentning Uchko‘prik tumani bo‘limi tomonidan tezkor tadbir o‘tkazilgan.

Unda fuqaro E.X.ning Buvayda tumani “Xo‘jaobod” MFY hududida tashkil etgan yashirin sexidan 712 litr iste’molga yaroqsiz yog‘, 874 kg chigit va boshqa ishlab chiqarishda foydalanilgan tovar moddiy boyliklari ashyoviy dalil sifatida olingan.

Rossiyada qiyin ahvolga tushib qolgan oila O‘zbekistonga qaytarildi

O‘zbekiston Bosh konsulxonasi xodimlari Novosibirskda farzandining hujjatlari bilan bog‘liq muammolari tufayli yurtga qayta olmayotgan vatandoshlarga yordam berildi. Rossiya tomonidan zarur hujjatlarni olish uchun barcha imkoniyatlar ishga solindi. Natijada bola va uning hujjatlari aeroportda ota-onasiga topshirildi.

Ta’kidlash kerakki, bola uchun barcha hujjatlar Bosh konsulxona sa’y-harakatlari bilan Rossiya tomonidan bir necha soat ichida tayyorlandi.

Ushbu oila Rossiyaning S7 aviakompaniyasi samolyoti bilan O‘zbekistonga uchib ketdi.