Энди уйлар «коробка» ҳолатида топширилмайди

Бугун АОКАдаги матбуот анжуманида Қурилиш вазирининг биринчи ўринбосари Шерзод Ҳидоятов бундан кейин уйлар «коробка» ҳолатида топширилмаслигини маълум қилди.

«Аҳолига янада қулай шарт-шароит яратиш мақсадида нормативларга ўзгаришлар киритилди. Бундан кейин уйлар «коробка» ҳолатида топширилмайди. Бу тартиб-тамойил 3 ойдан кейин, апрелдан кучга киради”, деди вазир ўринбосари.

Унинг қайд этишича, пудрат ташкилотлари қуриб топшираётган барча уйларнинг деворлари тортилган, коммуникация тармоқлари ўрнатилган бўлади.