Ipoteka Bank OTP Group va ACWA Power: toza energiya uchun sarmoyalar — iqtisodiy barqarorlik va ekologik taraqqiyot sari qadam

Ipoteka Bank OTP Group barqaror energiyani rivojlantirish va ekologik jihatdan uzoq muddatli sarmoyalarni qo‘llab-quvvatlamoqda. Bank ACWA Power tomonidan Buxoro viloyatida amalga oshirilayotgan ikkita yirik shamol energiyasi loyihasining asosiy kreditorlaridan biriga aylandi. Ushbu loyihalar O‘zbekistonning ilg‘or qayta tiklanadigan energiya strategiyasiga mos keladi va mamlakatning iqtisodiy o‘sishini faol ravishda rag‘batlantiradi.

Bash Wind va Dzhankeldy Wind loyihalari — umumiy quvvati 1000 MVt bo‘lgan Markaziy Osiyoning yirik shamol energiya inshootlaridan biri hisoblanadi. Ushbu obyektlar har yili 3.3 TVt·soat ekologik toza energiya ishlab chiqaradi va 2030 yilga kelib energiya balansida qayta tiklanadigan manbalar ulushini 25%ga yetkazishi bilan salmoqli hissa qo‘shadi.

Ipoteka Bank OTP Group har bir loyiha uchun 20 million AQSH dollari miqdorida ajratilgan aylanuvchi kapital bilan O‘zbekistonning “yashil” iqtisodiyotiga o‘tish jarayonida asosiy kreditor sifatida o‘z faoliyatini davom ettirmoqda. Saudiya Arabistoni ACWA Power kompaniyasi bilan hamkorlikda bank zamonaviy Envision shamol turbinalari va NOMAC xizmatlarini joriy etish orqali elektr stansiyalarining samaradorligi va ishonchliligini oshirishga ko‘maklashadi.

Bash Wind va Dzhankeldy Wind loyihalarining amalga oshirilishi yangi ish o‘rinlarini yaratishga, infratuzilmani rivojlantirishga va xalqaro investitsiyalarni jalb qilishga yordam beradi, bu esa O‘zbekiston iqtisodiyotining barqaror o‘sishini ta’minlaydi. Shuningdek, loyihalar ESG yuqori standartlariga muvofiq «yashil» deb tasniflanib, mamlakatning karbon izini kamaytiradi va uning jahon energetika bozoridagi mavqeini mustahkamlaydi.

“Ipoteka Bank OTP Group O‘zbekistonda qayta tiklanuvchi energiya sohasini rivojlantirishdagi ishtiroki bilan faxrlanadi. Bank innovatsion loyihalarni qo‘llab-quvvatlash orqali nafaqat iqtisodiy o‘sishni rag‘batlantiradi, balki mamlakatimiz uchun uzoq muddatli barqarorlikni ta’minlaydi,” — dedi Ipoteka Bank OTP Group Boshqaruvi Raisi Sandro Rtveladze.

 Ushbu investitsiyalar moliyaviy institutlar, davlat va xalqaro hamkorlar o‘rtasidagi strategik aloqalarning yorqin namunasidir. Ular barqaror rivojlanish, innovatsiyalar va O‘zbekistonning iqtisodiy salohiyatini mustahkamlashga sezilarli hissa qo‘shmoqda. Ipoteka Bank OTP Group ekologik va iqtisodiy ustuvor yo‘nalishlarni amalga oshirishga qaratilgan “yashil” energetika loyihalarini faol rag‘batlantirishni davom ettirib, mamlakat va mintaqaning barqaror rivojlanishiga muhim hissa qo‘shmoqda.

Reklama huquqlari asosida