Dunyoda internet foydalanuvchilarining 94 foizi ijtimoiy tarmoqlardan faol foydalanadi

5 milliarddan ortiq inson ijtimoiy tarmoqlardan faol foydalanadi

Kepios tadqiqot jamoasi tomonidan ishlab chiqilgan Global Digital Reports tahliliga ko‘ra, ijtimoiy tarmoqlardan foydalanish ko‘rsatkichi butun dunyo bo‘ylab o‘sishda davom etmoqda.

Eng so‘nggi ma’lumotlarga qaraganda hozirda 5,24 milliard inson ijtimoiy tarmoqlardan faol foydalanadi.

Ijtimoiy tarmoqlardan foydalanish darajasi qanday hisoblanadi?

Tarmoqlardagi faollik “foydalanuvchi identifikatorlari” asosida shakllantiriladi. Ya’ni ular faol foydalanuvchi akkauntlarini hisoblab chiqishadi. 

Mintaqalar miqyosidagi ko‘rsatkich

Hisob-kitoblarga qaraganda bugungi kunda barcha internet foydalanuvchilarining 94,2 foizi ijtimoiy tarmoqlardan foydalanmoqda. Biroq bu foydalanish darajalari mintaqalar bo‘ylab sezilarli darajada farq qiladi. Masalan, Markaziy Afrikadagi internet foydalanuvchilarning atigi 30 foizigina ijtimoiy tarmoqlardan foydalanadi. Sharqiy Osiyoda ijtimoiy tarmoqdan foydalanish darajasi deyarli 97 foizga yetgan. Bu asosan Xitoy aholisining to‘liq WeChatdan foydalanishi bilan bog‘liq. Shuningdek, Markaziy va Janubiy Amerikada, Yevropa Ittifoqi va Buyuk Britaniyada ham ijtimoiy tarmoqlardan foydalanish darajasi juda yuqori.

So‘nggi 25 yillikda ijtimoiy tarmoqlardan foydalanish yuqori darajaga ko‘tarilganligi bor gap. Masalan, 2000-yillarda dunyo aholisining faqat 1 foizigina tarmoqlarda faol bo‘lgan bo‘lsa, 2025-yilga kelib, ushbu ko‘rsatkich qariyb 81,4 foizga yetgan.

Nega odamlar ijtimoiy tarmoqlardan ko‘p foydalanmoqda?

GWI tadqiqotlariga ko‘ra, bugungi kunda ijtimoiy tarmoqlardan foydalanishning eng asosiy sababi – do‘stlar va oila bilan doimiy aloqada bo‘lish istagidir. “Bo‘sh vaqt o‘rnini to‘ldirish” tushunchasi esa ikkinchi o‘rinni qayd etib, ushbu argument ijtimoiy tarmoqlarda “cheksiz lenta” mexanizmining katta ko‘lamda rivojlanishiga sabab bo‘lmoqda. 

Platformalar vaqti-vaqti bilan buning aksini da’vo qilgan bo‘lsa-da, har kuni millionlab insonlar har kuni tarmoqlarga yangiliklar o‘qish uchun tashrif buyurishadi.

Yoshlar asosan ijtimoiy tarmoqlardan ko‘proq “trendlarni kuzatish” uchun foydalanishga moyil bo‘lsa, katta yoshdagi foydalanuvchilar esa yangiliklar maqolalarini o‘qishga ko‘proq e’tibor qaratadilar.

Shuningdek, ijtimoiy tarmoq foydalanuvchilarining yarmi yoki undan ko‘prog‘i o‘z do‘stlari, oilasi yoki hayotda taniydigan odamlardan ko‘ra mashhurlarni, brendlarni yoki boshqa sahifalarni kuzatishni afzal ko‘rishmoqda

Insonlar eng ko‘p qanday turdagi media mahsulotlarni tomosha qilishadi?

Ijtimoiy tarmoqlarda kuzatish bo‘yicha eng mashhur kategoriyalar quyidagilar:

Ko‘ngilochar videolar, tadqiqotlar, mashhurlar hayoti, siyosiy yangiliklar va boshqalar. 

Biroq, bu tendensiyalar yosh guruhlari bo‘yicha sezilarli darajada farq qiladi.

55 yoshdan oshgan faol ijtimoiy tarmoq foydalanuvchilarining yarmidan ko‘pi tarmoqlarda o‘z do‘stlari va yaqinlarini kuzatishga ko‘proq moyil. Biroq, ko‘ngilochar kontent, mem va parodiya akkauntlari kattalar orasida qiziqishni tez so‘ndiradi. Aksincha, televizion shoular va kanallar yoshi kattaroq foydalanuvchilar orasida nisbatan ko‘proq mashhur bo‘lib, 35 yoshdan oshgan foydalanuvchilar orasida ikkinchi o‘rinda turadi. Shuningdek, yosh kattaroq foydalanuvchilar brendlar va kompaniyalarni kuzatishga ham ko‘proq moyilligini ko‘rsatadi.

Ammo eng muhim xulosa shuki, katta yoshdagi foydalanuvchilar boshqa odamlarni kuzatish jihatidan sezilarli darajada ehtiyotkorroqdir.

Ayollarning ijtimoiy tarmoqlardagi faolligi ortib bormoqda

Tadqiqotda ta’kidlanishicha,16 yoshdan 24 yoshgacha boʻlgan ayollar hozirda ijtimoiy platformalardan foydalanishda kuniga oʻrtacha 3 soatga yaqin vaqt sarflaydi. Agar mazkur koʻrsatkich ikki yil avvalgisi bilan solishtirilsa, bu yoshdagi ayollarning ijtimoiy tarmoqlarda oʻtkazayotgan vaqti 12 minutga qisqarganini koʻrish mumkin.

Maʼlumotda yozilishicha, soʻnggi 24 oy ichida mazkur yoshdagi ayollarning kundalik ijtimoiy media faolligiga 6 daqiqani qoʻshilgan. Xuddi shu yosh guruhidagi erkaklarniki esa, aksincha oʻrtacha 4 daqiqaga qisqargan.

Ijtimoiy tarmoqlar bugungi kun uchun muhim ahamiyat kasb etsa-da biroq, barcha tarmoqlar va ulardagi yangiliklarning hammasi ham inson uchun xavfsiz emas. Shu sababli imkon qadar, tarmoqlardan o‘zini cheklash va kundalik faoliyat bilan ko‘proq mashg‘ul bo‘lish foydadan xoli emas.