Газ «заправка»ларнинг иш вақти яна чекланди

24-27 февраль кунлари мамлакатда совуқ ҳаво оқимининг кириб келиши натижасида, республиканинг айрим ҳудудларида ҳаво ҳарорати кечаси 20-25 даражагача совуқ бўлиши сабабли, табиий газ истеъмоли ҳажмининг кескин ортиши кутиляпти.

Ушбу муносабат билан “Hududgazta’minot” АЖ табиий газ биринчи навбатда аҳоли ва ижтимоий соҳа объектларини узлуксиз равишда таъминлашга қаратилишини инобатга олиб, газ етказиб беришда айрим чекловлар киритилиши, шу сабабли барча газ “заправка”ларда иш вақти эрталабки 5:00 дан – кечки 15:00 гача этиб белгиланишини маълум қилди.