Moskvada o‘zbekistonlik migrantlar mehmonxonasida ommaviy zaharlanish yuz berdi
Jabrlanganlarning aytishicha, zaharlanishdan bir kun oldin ularga osh va tovuq go‘shti tortilgan. Bu taomlarni “OOO Yenidem” kompaniyasi tayyorlagan va yetkazib bergan.
1 daqiqa o‘qiladi
Rossiyaning Moskva shahrida migrantlar yashovchi mehmonxonada ommaviy zaharlanish yuz berdi.
Jabrlanganlar O‘zbekiston va Tojikiston fuqarolari
50 nafar ishchi tayyor ovqatdan zaharlanib, besh nafari shifoxonaga yotqizildi. Mahalliy OAV ma’lumotlariga ko‘ra, jabrlanganlar orasida O‘zbekiston va Tojikiston fuqarolari bor. Ular “Obrucheva 30” turar-joy majmuasi qurilishida ishlagan va Moskvadagi “RBK Servis” mehmonxonasida istiqomat qilgan.
Zaharlanishga sabab bo‘lgan ovqat kim tomonidan tortilgan?
Jabrlanganlarning aytishicha, zaharlanishdan bir kun oldin ularga osh va tovuq go‘shti tortilgan. Bu taomlarni “OOO Yenidem” kompaniyasi tayyorlagan va yetkazib bergan.
Ishchilarning ko‘pchiligi mehmonxonada o‘zlarini yomon his qila boshlagan, ba’zilari qusishni boshlagan. Hozirda voqea joyida o‘nlab tez yordam mashinalari ishlamoqda, bemorlar tibbiy yordam olmoqda.
Tekshiruv
Hodisa yuzasidan tekshiruv olib borilmoqda, oziq-ovqat mahsulotlarining sifati va sanitariya talablariga muvofiqligi tekshirilmoqda.
