Do‘konlarda sotilayotgan 8 dona oziq-ovqat mahsuloti yorliqlanishi va qadoqlanishi yuzasidan hujjatlarga nomuvofiq deb topildi

Nazorat xaridi uchun Toshkent shahridagi savdo shoxobchalaridan 9 nomdagi oziq-ovqat mahsulotlaridan namunalar xarid qilinib, tekshirilgan.

Mahsulotlarning 88 foizi texnik jihatdan tartibga solish hujjatlariga nomuvofiq

Ma’lum qilinishicha, O‘zbekiston do‘konlarida sotilayotgan 8 ta oziq-ovqat mahsulotini laboratoriya sinovlari amaldagi hujjatlarga nomuvofiq deb topdi. Bu haqda Raqobat qo‘mitasi xabar qildi.

Nazorat xaridi uchun Toshkent shahridagi savdo shoxobchalaridan 9 nomdagi oziq-ovqat mahsulotlaridan namunalar xarid qilingan va belgilangan tartibda rasmiylashtirilib, akkreditatsiyadan o‘tgan laboratoriyalarga sinovdan o‘tkazish uchun taqdim etilgan.

Shuningdek, mahsulotlarning sifati va xavfsizligi bo‘yicha Sanitariya-epidemiologik osoyishtalik va jamoat salomatligi qo‘mitasining Milliy “Referens” va “Texnostandart-NEO” MCHJ huzuridagi akkreditatsiyadan o‘tgan laboratoriyalar xulosasiga ko‘ra, 9 nomdagi oziq-ovqat mahsulotlaridan 8 nomdagisi ya’ni ularning 88 foizi amaldagi texnik jihatdan tartibga solish hujjatlariga nomuvofiqligi aniqlandi.

Bruni, qand, chernogolovka va boshqa mahsulotlar yaroqsiz 

Jumladan, texnik reglament yoki standart talablari bo‘yicha kamchiliklar mahsulotning tarkibi, yorliqlanishi va qadoqlanishi bilan bog‘liq bo‘lib, quyidagi ishlab chiqaruvchi korxonalarga tegishli ekanligi ma’lum bo‘ldi:

“BRUNI” shokoladli keks mahsuloti — ishlab chiqaruvchi korxona “Almerro Group” MCHJ;

“SELLATILGAN MOL GO‘SHTI oliy nav” Konservalangan mol go‘shti mahsuloti — ishlab chiqaruvchi korxona “Marmaks” QK MCHJ;

“BIO KEFIR” kefir — ishlab chiqaruvchi korxona “DIL-BAH DAIlY GROUP” MCHJ;

“Qand” mahsuloti — ishlab chiqaruvchi korxona “Prima industries group” MCHJ;

“Chernogolovka” gazlangan salqin ichimlik — ishlab chiqaruvchi korxona “Aqua Products” MCHJ QK;

“Urussa” kungaboqar yog‘i — ishlab chiqaruvchi korxona “Resurs” moy ekstraksiya zavodi;

“Kunjutnoye maslo” yog‘ mahsuloti — ishlab chiqaruvchi korxona “Maxmadjon Nurafshon” XK;

“Sedana yog‘i” yog‘ mahsuloti — ishlab chiqaruvchi korxona “Maxmadjon Nurafshon” XKlar.

Ushbu masala yuzasidan Raqobat qo‘mitasi nazorat xaridi davomida aniqlangan kamchiliklarni bartaraf etish va sifatsiz mahsulotlarning sotilishiga chek qo‘yish yuzasidan belgilangan tartibda choralar ko‘rilayotganini bildirib o‘tgan.