ЙҲХББ Ўзбекистондаги барча ҳайдовчиларни огоҳлантирди

Йўл ҳаракати хавфсизлиги бош бошқармаси ахборот хизмати Ўзбекистондаги барча ҳайдовчиларни огоҳлантирди. "Мамлакатимизнинг шимолий ҳудудларида қор ёғиши билан ҳаво кескин совиб кетди. Бошқа ҳудудларда ҳам ҳаво ҳароратининг пасайиши, қор ва ёмғир ёғиши кутилмоқда. 

Шу сабабли, барча ҳайдовчилардан: 

— қоидаларга амал қилиб, оралиқ масофани сақлаган ҳолда ҳаракатланишларини;

— газ ва тормоз тепкисини кескин босмасликларини; 

— пиёдаларга эътиборли бўлишларини, пиёдалар эса йўлни белгиланмаган жойидан кесиб ўтмасликларини, эҳтиёткор бўлишларини сўраб қоламиз" — дейилади хабарда. 

Aвто оламидаги энг сўнгги хабарлар.