“Xavfsiz yo‘l” milliy dasturi doirasida jamg‘arma faoliyati qayta tashkil qilinadi

📍 “Xavfsiz yo‘l” milliy dasturi doirasida “Xavfsiz yo‘l va xavfsiz piyoda” respublika jamg‘armasi faoliyati qayta tashkil qilinib, Hukumat bo‘ysunuviga o‘tkaziladi.

– Har bir viloyatda jamg‘armaning alohida filiallari bo‘ladi.

💸 Jamg‘armaga tushadigan mablag‘lar:

– Bu yil jamg‘armaga barcha manbalar hisobidan 400 milliard so‘m tushishi prognoz qilingan.

– Foto-video radarlar orqali byudjetga tushadigan jarimaning 25 foizi ham jamg‘arma va uning filiallariga yo‘naltiriladi.

🔧 Yo‘l infratuzilmasi va mas’uliyat:

– YHXX tizimidagi yo‘l belgilari, svetofor o‘rnatish, yo‘l chiziqlarini chizishga mas’ul korxonalar ham viloyatga o‘tkaziladi.

– Jamg‘armaning faoliyati shaffof bo‘lib, unga viloyat YHXB va yo‘l boshqarmasi boshliqlari, shuningdek, jamoatchilik vakillari kiradi.

🚧 Jamg‘arma mablag‘lari qanday sarflanadi:

– Jamg‘arma mablag‘lari birinchi galda avariya o‘choqlari bo‘lgan xavfli uchastkalarni tartibga solishga yo‘naltiriladi.

– Bunga yo‘lni ajratuvchi to‘siqlar, yo‘l belgilari, yoritgichlar o‘rnatish, piyoda yo‘laklari tashkil qilish, chorrahalarni raqamlashtirish kiradi.

📱 Elektron portal ishga tushiriladi:

– Eng muammoli uchastkalarni aholi va jamoatchilik fikrini o‘rganish asosida aniqlash uchun aloqa qilish imkoniyatini beruvchi elektron portal ishga tushiriladi.

– Tuman hokimlari va ichki ishlar rahbarlari portalga qayerga belgi, chiziq, piyoda yo‘lagi va svetofor kerakligi haqidagi ma’lumotni smeta bilan ochiq joylashtiradi.

– Aholi ham ushbu ro‘yxatni to‘ldirishi, loyihalarga ovoz berishi mumkin bo‘ladi.

– Portalga qilingan ishlarning video va fotosuratlari qo‘yiladi, buni aholi baholaydi.

💼 Mablag‘larni taqsimlash:

– Viloyat va tumanlarning imkoniyati bir xil emasligi sababli, jamg‘armaga mablag‘larni loyihalarni moliyalashtirish uchun viloyat va tumanlarga taqsimlash vakolati beriladi.

🏗️ Ichki yo‘llarni tartibga solish:

– Viloyat va tuman hokimlari ichki yo‘llarni tartibga solish uchun mas’ul bo‘ladi.