"Ўзавтосаноат” бошқаруви раисига ўринбосарлар тайинланди

“Ўзавтосаноат” АЖ бошқаруви раисининг жорий йил 17 сентябрдаги №71-К, 69-К, 72-К сонли буйруқларига асосан: Рафиқов Абдуваққос Воҳидович — 2020 йил 18 сентябридан бошлаб Бошқарув раисининг маҳаллийлаштириш кооперация алоқаларинисаноатда кенгайтириш ва ахборот технологиялари масалалари бўйича биринчи ўринбосари лавозимига тайинланган.

Шукуров Азизбек Қобилович бошқарув раисининг иқтисодиёт масалалари бўйича ўринбосари, Таджиев Сардор Убайдуллаевич ривожлантириш ва маркетинг бўйича бошқарув раисининг ўринбосари лавозими — бошқарув раисининг савдони ривожлантириш ва маркетинг масалалари бўйича ўринбосари лавозимига ўзгартирилган.

Шунингдек, Тўраев Фарҳод Разакович бошқарув раисининг ишлаб чиқариш масалалари бўйича ўринбосари, Тиллаев Жаҳонгир Дилшодович эса бошқарув раисининг инвестициялар бўйича ўринбосари лавозимига тайинланган.